Şanlı tariximizin qürur dolu səhifəsi və mənəviyyatımızın müqəddəs günü bir arada!
Bu gün, 20 Sentyabr – Azərbaycan Respublikasında Dövlət Suverenliyi Günüdür! Eyni zamanda, yəhudi aləminin ən müqəddəs və ali günü olan Yom Kippur (Kəffarə Günü) mənəvi dualar və orucluqla qeyd olunmaqdadır.
Bu müqəddəs torpaqlarda əsrlər boyu sülh, əmin-amanlıq və qarşılıqlı hörmət şəraitində yaşayan Sumqayıt Yəhudi Dini İcması olaraq, xalqımızı Dövlət Suverenliyi Günü münasibətilə ürəkdən təbrik edirik!
Azərbaycanın suverenliyi, müstəqilliyi və ərazi bütövlüyü hər birimiz üçün ən ali dəyərdir. Bu torpağın hər bir vətəndaşı, o cümlədən yəhudi icmasının övladları da hər zaman Azərbaycanın azadlığı uğrunda çiyin-çiyinə mübarizə aparmış və bu suverenliyin qorunmasında hər zaman dövlətimizin yanında olmuşdur. Biz bütöv və suveren Azərbaycanda yaşamaqdan fəxr edirik!
Yom Kippur gününün gətirdiyi mənəvi təmizlik və xeyir-dua ilə Ulu Tanrıdan çoxəsrlik tolerantlıq beşiyi olan doğma Azərbaycanımıza daimi sülh, tərəqqi və parlaq gələcək arzulayırıq. Dövlətimizin suverenliyi əbədi, bayrağımız hər zaman uca olsun!
Bütün icma üzvlərimizə xeyirli və asan bir oruc, dualarının qəbul olunmasını arzu edirik. Gmar Chatima Tova! Dövlət Suverenliyi Günümüz mübarək!
