Sumqayıt Yəhudi Dini İcmasının sədri Yevgeni Brenneysen oktyabrın 15-də Bakıda İsrail Prezidenti İsxak Hersoqla Azərbaycanın yəhudi icmalarının nümayəndələri arasında keçirilən görüşdə iştirak edib. Görüşdə Azərbaycanın yəhudi icmasının tarixi, dini dözümlülük və qarşılıqlı hörmət ənənələri müzakirə olunub. Yevgeni Brenneysen icmanın mədəni irsinin qorunmasının və gənc nəslə ötürülməsinin vacibliyini vurğulayıb.
Sentyabrın 28-də Romada Azərbaycanın dini müxtəlifliyini, multikultural dəyərlərini və dinlərarası harmoniyanı əks etdirən “Harmoniya” sənədli filminin təqdimatı keçirilib. Tədbirdə Azərbaycan nümayəndə heyəti ilə yanaşı, Müqəddəs Taxt-Tacın rəsmiləri, diplomatik korpusun və dini icmaların nümayəndələri, eləcə də din xadimləri iştirak ediblər. Film islam, xristianlıq və yəhudilik ənənələrinə mənsub üç qadının həyat hekayəsi vasitəsilə Azərbaycanda qarşılıqlı hörmət və birgəyaşayış mədəniyyətini təqdim edir.
24 sentyabrda Qafqaz Müsəlmanları İdarəsində 27 Sentyabr – Anım Gününün 6-cı ildönümünə həsr olunmuş tədbir keçirilib. Tədbirdə Sumqayıt Yəhudi Dini İcmasını icmanın sədri Yevgeniy Brenneysen Anatolyeviç təmsil edib. Görüşdə şəhidlərin xatirəsi ehtiramla yad edilib, Azərbaycanda müxtəlif dini konfessiyalar arasında həmrəylik və birlik vurğulanıb.
20 Sentyabr – Dövlət Suverenliyi Günü və Yom Kippur münasibətilə xalqımızı və icma üzvlərimizi təbrik edirik. Azərbaycanın suverenliyi, müstəqilliyi və ərazi bütövlüyü hər birimiz üçün ali dəyərdir. Doğma Azərbaycanımıza sülh, tərəqqi və firavan gələcək, bütün icma üzvlərimizə isə asan və mənəvi baxımdan mənalı oruc arzulayırıq.
Yom Kippur münasibətilə bütün dostlarımızı sinaqoqa dəvət edir, bu müqəddəs günü dua və mənəvi yenilənmə ilə keçirməyə çağırırıq. İzkor duası çərçivəsində vəfat etmiş valideynlərimizi, qohumlarımızı və yaxınlarımızı yad edəcəyik. Duaların cədvəli ilə tanış olaraq icmamızla birlikdə bu xüsusi günün mənəvi ab-havasını yaşamağa dəvətlisiniz.
Bakıda “Şəhərsalma və Memarlıq İli” çərçivəsində tarixi-dini abidələrin qorunması mövzusunda konfrans keçirilir. Tədbirdə dini irsin qorunması, dövlət qayğısı və gələcək perspektivlər müzakirə olunur.
Sumqayıt Yəhudi Dini İcması “STMEGI — Azərbaycan”ın sabiq rəhbəri, tanınmış icma nümayəndəsi Şaul Mixayloviç Davıdovun vəfatı ilə əlaqədar dərin hüznlə başsağlığı verir. O, hər il Pesax bayramı ərəfəsində icmamıza matza və üzüm şirəsi hədiyyə edər, yəhudi bayramlarında bizimlə birlikdə olardı. Onun xeyirxah əməlləri və icmamıza göstərdiyi dəstək daim ehtiramla xatırlanacaq.
30 avqust 2026-cı il tarixində “Koləl Tora” Qadın Müdrikliyi Klubunun üzvləri Bakıya mənəvi və maarifləndirici səfər edərək üç sinaqoqu və Mikveni ziyarət ediblər. Səfər yəhudi ənənələrinin öyrənilməsi, nəsillərarası irsin ötürülməsi və icma həmrəyliyinin möhkəmləndirilməsi baxımından xüsusi əhəmiyyət daşıyıb.
2026-cı ilin yayında Sumqayıt Yəhudi Dini İcmasının uşaqları “JSummer Universal – Mənim Yəhudi Yayım 2026” gündüz düşərgəsində iştirak ediblər. Düşərgə yəhudi ənənələri, Halaxa, oyunlar, yaradıcılıq və dostluqla zəngin proqramı, eləcə də Bakıya təşkil olunan səfərlə uşaqlara unudulmaz xatirələr bəxş edib.
